tenpo pimeja pini la sitelen lape mi li nasa mute. ona li sama ni:

mi moku lon tenpo pimeja la sitelen lape mi li nasa li ike. ni la mi o moku ala lon tenpo poka lape. taso mi moku lon tenpo poka lape. ni li ken tan. taso ni li suli ala tawa sina. sitelen lape mi la ilo nanpa mi li kama moli. mi musi e musi Roblox lon ilo nanpa li kama jo e kili palisa laso suwi. tan ni la jan ike li kama lawa e ilo nanpa mi. ona li moli e ilo nanpa mi kepeken jaki. mi pilin monsuta tan ni. mi toki insa e ni lon sitelen lape: "a! ilo nanpa mi li kama moli! ike! mi o sitelen e lipu sin lon ona! taso mi ken ala kepeken ona!" taso mi kama sona e ni: ni li sitelen lape taso. mi ken pini lape! ni la mi pini lape. mi lukin e ilo tenpo mi la ona li pana e tenpo 3:40 AM. ike! mi o lape sin! ni la mi lape sin. taso mi kama lon sitelen lape sama! tenpo tu wan la sitelen lape li sama. sitelen lape ni la kin la mi pali e lipu pali pi tomo sona. sitelen lape li nasa a!